الغو الليل اريد ارتاح
مافايدني ما نامه

انه بالليل اعيش احساس
مثل الباجر اعدامه

ومثل حال اليريد ايموت
بيده ايعدهن ايامه

بأخير انفاسه يبقى يشوف
شريط اسنينه كدامه

هيج اوقاتي تخلص جاي
اتاني الموت حتى اخلص

وشريط اسنيني كله اجروح
حقه العمر من يرخص

الله اليدري من اشتاك
اضل انكسر جن جامة

ومثل حال اليريد ايموت
بيده ايعدهن ايامه

الغو الشوك والتفكير
والغو احساسي فد مرة

خلوني اصير انسان
قاسي واقسى من صخرة

اريد الكلشي ما اهتم
ومن العافني اتبره

وحنيني العايش بكلبي
مايبقى ولا ذرة

اهواي التعب جاس الروح
خل ترتاح مكسورة

حتى جروحي جنها البوم
صورة تكابل بصورة

وصلت الحاله صرت اكره
كلبي وعشكه واحلامه

ومثل حال اليريد ايموت
بيده ايعدهن ايامه