كان إيه جاني ورماني
على حب الأسمراني ؟
اللي مافيش منه حيلة
غير سهري ف كل ليلة
دايماً مش داري بيه

كان إيه جاني ورماني
على حب الأسمراني ؟
حبيته ماكنش قصدي
أتعب وأحتار لوحدي
لو يرضيه حيرتي طيّب ...
كان ليه مابقاش قريّب ؟

ابو أحلى عيون جريئة
مش لاقي معاه طريقة
لياليه في حبه طاروا
أسهر وبقول وماله
السهد بيحلى ليّه

قلبي بيتعب وبرضوا
بستنى عيونه يرضوا
ماهو لما يحس بيّه
حيرد روحي فيّه

علشان عارف غلاوته عندي بيزيد قسوته
بدعيله يحس حبي
بس مايتعبش تعبي
أصله بيصعب عليّه