من غير مناسبة وبمناسبة بيقابلني
بيجيلي يستغلب عليا وبيحايلني
وبيعتذرلي كتير وانا مهما اعتذرلي
مش هنسى انو في كبريائي كان قاتلني

ماعادش ينفع اسامحه عاللي عمله فيا
لو بيجي يتأسفلي ولا يبوس ايديا
بعد النهار ده ازاي انا على نفسي هرضى
ارجع لحد قدر يمد ايديه عليا

مش هقدر اتهاون واشوف حاجه اسامحه بيها
لازم اللي يغلط غلطه يتحاسب عليها
اصل اللي يتهاون فجرح كرامته مره
يستاهل انه يتجرح مية مره فيها